O deputado do BNG, Ramón  Alfonzo Fernández defendeu hoxe na Comisión de Industria, unha proposición non de lei para  que a Xunta solicite  a entrada no Consello  de Administración de  Navantia para poder exercer "voz e voto" contra as prácticas lesivas da empresa para a comarca de Ferrol e Galiza. Na súa intevención, o parlamentario alertou "dunha privatización encuberta" do centro de Fene polo que reclamou ao goberno "velar" para que unha empresa pública "non se descapitalice nunha empresa privada".

O acordo, a inicitiva do BNG, acadou o apoio unánime  agás no punto relativo á potenciar a participación de NAVANTIA, ría de Ferrol no sector da eólica mariña con recursos propios e converterse en  socia maioritaria nas UTEs con WINDAR ou outra sociedade. Este punto da proposta nacionalista  foi rexeitado polo grupo maioritario do Partido popular.

Na súa intervención, o deputado do BNG  insistiu na necesidade de contar con  diques dimensionados que permitan a construción de grandes barcos porque, ao  seu xuízo, "a construción militar no astaleiro debe completarse coa construción civil".

Mon Fernández trasladou á Camara galega a preocupación do comité de empresa de Navantia sobre os plans, xa en marcha, da dirección sobre  os contratos de eólica mariña que se executan en Fene. O deputado explicou que a dirección da empresa "ven priorizando" os centros da baía de Cádiz dende hai tempo xa que estes centros constrúen as subestación eléctricas dos parques eólicos e estruturas flotantes e fixas, "actividade que viña realizando Fene en exclusiva".

O deputado alera dunha "privatización encuberta" en Navantia Fene

As  actuacións da dirección de Navantia non se   entenden  na comarca de Ferrol porque significan  "renunciar ao máis interesante dos contratos da eólica mariña en favor dos centros da baía de Cádiz", e poñen ao centro de Fene, previas obras de mellora, á disposición de Windar, unha empresa privada, que no momento que  lle conveña podería levar a execución dos contratos a calquera das outras fábricas que ten polo mundo. Unha estratexia que consiste, remarcou o deputado do BNG,  en "descapitalizar Navantia e a comarca de Ferrol en favor da baía de Cádiz e dunha empresa privada".

A Xunta debe ter voz e voto en Navantia

"Non é lóxico" que a Xunta non queira ter nin voz nin voto no Consello de Administración de Navantia, precisamente alí onde se toman decisións que son absolutamente transcendentais para a comarca de Ferrol e para Galiza sobre a   renovación de infraestruturas e medios dedicados á produción, pero sobre todo, onde se toman decisións sobre o lugar onde se realizan as obras,  a participación con  outras sociedades nos contratos ou a aposta por determinados mercados.  "É dun cinismo extremo, queixarse no Parlamento Galego das obras que Navantia decide realizar en outros centros, pero non querer estar onde se toman esas decisións, podendo estar", sentenciou o nacionalista.
A proposta do BNG acadaou o apoio unánime para que a Xunta solicite a súa entrada no Consello de Adminstración de Navantia, demandar do goberno do Estado a constitución dunha mesa de ámbito galego para promover a diversificación de actividades nos estaleiros de Navantia na Ría de Ferrol, dotar á Fábrica de TURBINAS de dirección e recursos propios suficientes para definir  novos produtos para as  enerxías renovábeis en xeral e  fomentar a sua introdución e participación nos contratos da eólica mariña, así como  Introducir á Fábrica de TURBINAS naqueles segmentos de actividade relacionados cos novos modelos sustentábeis de mobilidade marítima, procurando as colaboracións con centros de investigación e empresas que fosen precisas.

O parlamentario anunciou que o BNG permanerá vixiante ao cumprimento do acordo acadado hoxe na Comisión de Industria e lembrou que a comarca de Ferrol, unha das máis castigadas pola crise  precisa con urxencia medidas de impulso económico. Este acordo, dixo, pode ser un chanzo para potenciar a actividade naval e manter os postos de traballo.